"მთავარი არხის" ინფორმაციით, ორწლიანი ძებნის შემდეგ ბადრი ესებუა დააკავეს. არსებული ინფორმაციით, ესებუა ზუგდიდში გამთენიისას აიყვანეს, სავარაუდოდ, მაშინ, როცა აფხაზეთის დროებით ოკუპირებულ ტერიტორიაზე გადასვლას გეგმავდა.

ჯერჯერობით მისი დაკავების შესახებ ინფორმაცია ცნობილი არ არის ადვოკატისთვის, ოჯახისთვის და მისი მეზობლებისთვის.  "მთავარი არხი" დეტალებს ამ წუთებშიც ადგილზე არკვევს და უფრო მეტ ინფორმაციას ესებუას დაკავების შესახებ შემდეგ გამოშვებაში მოგიყვებით.

ესებუა 2020 წლის 21 ოქტომბერს ზუგდიდში, "საქართველოს ბანკის" შენობაში შეიარაღებული შეიჭრა, მძევლები აიყვანა, წამოაყენა საკუთარი მოთხოვნები და რამდენიმესაათიანი სპეცოპერაციის შემდეგ, ოფიციალური ინფორმაციით, ნახევარი მილიონი ლარი წაიღო და მიიმალა.шаблоны для dle 11.2