“უეცრად დაიკივლა ჩემმა მეუღლემ და უგონოდ დავარდა,მხლოდ ის მინდოდა სოფო და ბავშვი გადარჩენილიყვნენ.."- ვახო ბიჭიკაშვილის ცხოვრების ყველაზე რთული მომენტი
იუმორისტი ვახო ბიჭიკაშვილი ჟურნალ “სარკესთან” თავისი ცხოვრების ერთ-ერთ ყველაზე რთულ მომენტს იხსენებს, როდესაც ის და მისი ორსული ცოლი სასწაულებრივად გადაურჩნენ სიკვდილს.მისი თქმით ეს იყო საშინელება, რეალურად გაზის გაჟონვა მიმდინარეობდა სახლში და რა ძალამ გადაარჩინა დღემდე ვერ ხვდება.
“სოფო მაშინ სამი თვის ფეხმძიმე იყო. გოთუას ქუჩაზე ვცხოვრობდით ნაქირავებ ბინაში. სამსახურიდან დაღლილი მოვედი და წამოვწექი, სოფო აბაზანაში შევიდა, მისი კივილი გავიგონე, წყალი შემომაწოდეო… მეც ვხვდებოდი, რომ კარგად ვერ ვიყავი. ვერც ერთი მივხვდით, რა გვჭირდა. ვთხოვე, გულის წამალი მოეტანა. მითხრა, ძალიან ცუდად ვარო. სოფო გულწასული დაეცა. რაღაც ძალამ, ალბათ, უფალმა, წამომაყენა, მასთან მივედი და მთელი ძალით ვურტყამდი, რომ გონზე მომეყვანა."
" როგორღაც აივნამდე მივიყვანე, რომ სუფთა ჰაერი შემოსულიყო. ერთადერთი იმაზე ვფიქრობდი, რომ სოფო და ბავშვი გადარჩენილიყვნენ. თვალი რომ გაახილა და გხედავო, მითხრა, მაშინ დავმშვიდდი. მერე როგორღაც მეზობელთან მივფოფხდი, მიშველეთ-მეთქი და სასწრაფო დახმარება მოვიდა. გადასხმები გაგვიკეთეს და საავადმყოფოში გადაგვიყვანეს. ჩვენ რომ დაგვძინებოდა, დღეს არც ჩემი ცოლი იქნებოდა ცოცხალი და არც მე”
ბოლო სიახლეები
